السلام عليكم
اول مالعبت اللعبه كانت عندي بعض الاخطاء اللي تعلمت منها مع الوقت , فأبي انبهكم عشان ما احد يقع في اللي وقعت فيه .
اولا ليش القرى الثانيه تهجم عليك ؟ وايش فايدتها ؟
1- سرقة المواد منك ( وهذا هو الهدف الاساسي من اغلب اللاعبين )
2- تدمير جيشك بالكامل ( وهذا اذا بغى يستنذل عليك
)
الحين بعد ماعرفنا هدف القرى الثاني اللي بنعرفه الحين شلون تحمي نفسك من الهجمات .
وهذي اهم الطرق لحماية مواردك من الاعداء :
1- عن طريق بناء المخبأ وتطويره بأستمرار
مثلا المخبأ متطور للمستوى عالي بحيث انه يحفظ 700 من المواد الخام ( حديد , قمح , طين , خشب )
فلامطلوب انك تخلي موادك الخام في قريتك اقل من اقصى قيمه للمخبأ يعني تخليها اقل من 700 في مثالنا هذا عشان لو صار عليك هجوم المواد تنحفظ بشكل اوتوماتيكي في المخبأ وبكذا ماينسرق منك شئ
2- بيع المواد في السوق
المطلوب انك تطور السوق للمستوى الرابع .
بيكون عندك 4 تجار واذا صار عليك هجوم روح للسوق وبيع واشتر الموارد اللي تحتاجها حتى تضمن ان الخصم يهجم عليك ومواردك لازالت تنتقل منك للشخص الاخر
3- استلاك المواد الخام بشكل مستمر .
يعني اول ماتصير معك مواد كافيه على طول روح طور فيها المواد الخام لاتنتظر عشان مايجي احد ياخذها منك بدون تعب ..
ولاتنسى اهم شئ تطوير المخبأ دائما حتى تستطيع تجميع عدد كبير من المواد الخام للتطويرات المكلفه .
النقطه الثانيه في الموضوع طريقة حماية الجيش من هجمات الاعداء:
كنصيحه اولا طور المواد الخام الى مستويات عاليه جدا بعدها ابدا بتطوير الجيش .
لان الجنود يستهلكون من محصول القمح وبيضعفون الاقتصاد .
يعني الافضل تطوير الاقتصاد بشكل كبير ولما تفكر تبني جيش تقدر تبني اكثر من 50 جندي في اليوم .
ولكن لو كان لديك جيش وتعرضت لهجوم كبير وماراح تقدر تصد الهجوم , فافضل حل هو اخراج جنودك من قريتك وارسالهم تعزيز لقريه قريبه منك.
يعني اذا كان فيه هجوم على قريتك بتلاحظ وميض في اعلى الشاشه ( صوره سيفين تاشر )
انتظر حتى يبقى على وصول وات الخصم 20 ثانيه وبعدها ارسل قواتك كتعزيز لاي قريه اخرى .
واول ماينتهي هجوم خصمك روح واعمل الغاء لامر التعزيز اللي انت سويته عشان يرجعون جنودك وبكذا مامات ولا واحد من جنودك .
طبعا الكلام هذا لو كنت انت متصل وقت الهجوم
لكن لو كنت بتطلع بعيد عن النت وتخاف احد يهاجمك فالحل انك ترسل قواتك الى قريه بعيده جدا عنك يعني تستغرق الوصول 10 ساعات مثلا وطبعا ترسلهم تعزيز
.
واول ماترجع للنت تسترجع قواتك
او انك ترسل جيوشك لقريه اخرى من نفس الحلف اللي نت فيه .
هذي شوي افكار وتكتيكات مهمه لكل مبتدئ حتى تضمن عدم التعرض لاي خساره في حال تم الهجوم عليك
بالتوفيق جميعا .
موضوع: تعليمات من الخبراء...... 
الإثنين مايو 05, 2008 1:51 am
